الرئيسيةالتسجيلدخول

شاطر | 
 

 يمه محتاجه عطفك دخيل الله ضميني لاتتركيني لدنيا قلبها قاااسي

اذهب الى الأسفل 
كاتب الموضوعرسالة
مدمنة الهام

avatar

جنسي •|~ : انثى
مُشارڪاتي •|~ : 52
نقاطي •|~ : 140
دولتي •|~ : الكويت

مُساهمةموضوع: يمه محتاجه عطفك دخيل الله ضميني لاتتركيني لدنيا قلبها قاااسي    الثلاثاء سبتمبر 28, 2010 5:59 pm

لاقلت يمّـــهـ حنان الاسم يكفيني
وشلون ضمت يدينك يابعد رأسي...
يا يمه دخيلك لا تخليني
محتاجه قربك وحضنك يابعد ناسي...
محتاجه عطفك دخيل الله ضميني
لاتتركيني لدنيا قلبها قاسي....
يالغاليه بشوق جيتك لاترديني
جيتك وخطوات رجلي تسبق أنفاسي..
محتاجه لك حيل ومحتاجه تلميني
من قسوة الوقت ومن تعذيبه القاسي...
أبي بعيونك عن احزاني تشيليني
وابي بحضنك أفارق هم وسواسي...
وأبي حنانك وكلماتك تغطيني
من مقدم الرجل لين اخر شعررأسي...
وأبي أحس بشعور ٍ منك يمليني
عطف ومحبه وحنان ٍ دون مقياسي...
يمه كبرت وكبر هم الزمن فيني
ومن لوعة الوقت قلبي عايش يقاسي...
محتاجه حضنك أمانه لاتلوميني
محتاجه اعاود طفوله كلها أوناسي...
برّجع الوقت وانسي اللي معنيني
يومي صغيره وحنانك ماليءً كاسي...
يمه ذكرت الزمان الماضي بعيني
ماضي الطفوله السعيده وروعة إحساسي...
كم كنت أضمك وكم مره حضنتيني
وكم نام راسي على صدرك وهو ناسي...
وكم كنتي تبكين من فكر يبكيني
وكانت عيونك فداك القلب حراسي...
وكم كانت مناك دايم بس تشوفيني
احلى وأنظف " بنيه " بين جلاســي...
وياما وياما سهرتيلي تواسيني
لأونست ضيقه وزار الهم مجلاسـي...
وكم كان حضنك عن الخلان يغنيني
وكم كان عشقك لفرحي ماله قياسي...
الله ياذاك الزمان شقد يحيـيني
ليته يعود وتعوووود أفراح وأماسي...
ياليتني ماكبرت ولاقسى ليني
وبقيت طفلٍ همومه لعب وأكياااسي...
يالغاليه جيت لك شوقي يقديني
كبير لكن بقربك يصغر إحساااااسي...
يمه يايمه أنا بنيتك تحبيني
أدري وربي ولكن بقهره يــأسي..
.بحطم الحزن فيني وأقهر سنيني
وبقول للهم "ياقلب العنى" ناسي...
بنسى عذابي بحضنك لاتهديني
من بعد حضنك يزيد الهم هوجاسي...
لاتتركيني وضمي يديك ليديني
لمسة كفوفك تبدد قسوة أتعاسي...
أبي أعاند زماني وظلمه الشيني
وأبي بقربك أرده عني الخاسـي...
ياأعز ناسي وياكل الكون في عيني
ياملهمتـني المحبه وصيت نومــاسي...
يفداك عمري وروحي وكل مغليني
ويفداك كلي وأنا من رأسي لساسي...
ياأغلى غرام رُبَى داخل شراييني
وياأعذب شعور ٍ سكني وياأجمل إحساسي..
لآآمست إحسـآآآآسي ~
لقلوبكم رياحين المسك والعنبر
الرجوع الى أعلى الصفحة اذهب الى الأسفل
ع ـيون الـهـام

avatar

جنسي •|~ : انثى
مُشارڪاتي •|~ : 532
نقاطي •|~ : 739
دولتي •|~ : q8

مُساهمةموضوع: رد: يمه محتاجه عطفك دخيل الله ضميني لاتتركيني لدنيا قلبها قاااسي    الأربعاء سبتمبر 29, 2010 4:27 am

مشكوووره واايد حلو

تحياتي
عيون الهام
الرجوع الى أعلى الصفحة اذهب الى الأسفل
No0oRa

avatar

جنسي •|~ : انثى
مُشارڪاتي •|~ : 438
نقاطي •|~ : 465
دولتي •|~ : الآمــــآرآت

مُساهمةموضوع: رد: يمه محتاجه عطفك دخيل الله ضميني لاتتركيني لدنيا قلبها قاااسي    الأربعاء أغسطس 17, 2011 6:38 pm

كتبتي فابدعتي
شكراًًًًًًً
الرجوع الى أعلى الصفحة اذهب الى الأسفل
 
يمه محتاجه عطفك دخيل الله ضميني لاتتركيني لدنيا قلبها قاااسي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملڪـﮧ الـهـام الـفـضـالـة MamlaKaT E-alfdala :: [ آلمنتديآت آلآدبيـﮧ ] :: • قسم نثر قلمي ] ~-
انتقل الى: